Mir sin d’Jo,jo Pfiffergrubbe und sin zurzit guet e Dozed Pfiffendi und e Hampfle Voordräbler – Männli und Wiibli 50+ - wo ohni dr Cortège z`laufe e haimeligi scheeni Fasnacht bim Gässle mache. Mer hän e aaspruchvolls Repertoire und pfiffe, dangg unserem Profi-Inschtruggder, ganz ordelig.

Mir wurde is gärn no mit e paar Pfiffende versteergge, aber au im Voodraab wär s’aint oder anderi Blätzli frei. Mir kennten is au e glaineri Fusion mit ere Grubbe voorstelle -das hän mir in dr Vergangehäit au scho’n emool erfolgriich gmacht. Unseri Pfifferstunde sin allewyl am Zischtigoobe in emene scheene Käller im Glaibasel. No dr Ooschtere goht’s wider los – es wär ganz scheen, wenn mer dörfte Di zem schnubbere begriesse.