s Bryspfyffe - Bewärtigsrichtlinie Dä Deggscht han i us em Brogrammheft abgschryybe! E SO WÄRDE D PFYFFER BEWÄRTET In dr Vorusschaidig wird d Ainzelkonkurränz ohni Sichtkontaggt juriert. lm Final wird sowohl d Ainzel- wie au d Grubbekonkurränz mit Sichtkontaggt juriert. Es wird mit zwai Noote a maxi-mal je 10 Pinggt bewäärtet Musikalischi Wärtig Si schtoot fir d Interbretazioon, d Muusikalideet und d Doonkultur. Wenn d Usdruggsfähigkait, die musikalischi Usgwoogehait und e wunderbaare Piccoloklang uns alli wo loose begaischtere, git's gärn e gueti Noote. Bi de Grubbe gheert au no dr Klangussglyych vo de Stimme drzue. Technischi Wärtig Bi Rhythmus und Taggt bewärtet d Jury d Tämpo-schwanggige, d Nootewärt und d Pause. Bi de Grubbe au s exaggte Zämmespiil. S rächt Schnuufe und e gschtitzte Doon ohni Nääbegrysch, brillanti Laif und suuberi Verzierige sinn dVorussetzige fir e gueti Noote. E SO WIRD D GMISCHTKONKURRÄNZ BEWÄRTET Linggs und rächts in dr Jury sitze d Spezialischte. Es sin das 2 Jurore fir d Drummler und 2 Jurorinne fir d Pfyffer. Si bewärte dr technisch und rhythmisch Aschbäggt vo ihrer Inschtrumäntegrubbe und kenne do derfir maximal 10 Pinggt vergää. D Jury-Mitti (4 Jurorinne) bewärtet die musikalisch Ainhait vo dr Grubbe. Mit 10 Pinggt fir s gueti Mitenander und 10 Pinggt fir d Musikalideet und d Dynamik ka me do nonemool 20 Pinggt pro JurorIn hole. uffe • zrugg